Urlanǵan iPhone úshin qytaılyq ózin órtemek boldy
ASTANA. QazAqparat - Qytaıda elektronıka óndirý zaýyttarynyń birinde kóterilis oryn aldy, oǵan baryp turǵan soraqy jaǵdaı sebep boldy, dep jazady Rosbalt.
Bári mynadan bastalǵan: jumys aýysymy kezinde jumysshylardyń biriniń jeke zattaryn qoıýǵa arnalǵan sóresinen iPhone urlanypty. Jumysshy kúzetshilerdi óz mindetterine nemquraıly qaraıdy dep aıyptap, basshylyqtan onyń ornyna ótemaqy talap etken. Alaıda onyń bul tilegi oryndalmady.
Osydan keıin álgi qytaılyq jumysshy ústine benzın quıyp, kompanııanyń kúzetshileri men menedjerleriniń kózinshe ózin jaǵyp jibergen, dep habarlady Informing.
Sol kezde oǵan eshkim kómekke kelmegen, tipti jedel járdem mashınasyna zardap shegýshini jetkizýge eshkim kómektespegen.
Osynyń bári zaýyt jumysshylarynyń ashýyna tıip, olar da qarsy kóteriliske shyqty. Olardy basý úshin polıtsııa shaqyryldy.
Ózin-ózi jaǵyp jibermek bolǵan qytaılyq óziniń aınalasyndaǵylardy qorqytpaq bolǵanyn, al shyn mánisinde ózin kezdeısoq jaqqanyn aıtty.
