Urlanǵan bólshekter arqyly kóligin jóndemek bolǵan Astana turǵyny qolǵa tústi
ASTANA. 15 tamyz. QazAqparat - Astana qalalyq ІІD-niń Saryarqa aýdandyq ishki ister bóliminiń qyzmetkerleri 2 kólik tonaý qylmysyn ashty.
Bul aqparatty Astana qalalyq ІІD-niń baspasóz qyzmeti habarlap otyr.
Atap aıtqanda, Saryarqa aýdandyq ІІB-niń elordalyq garnızonyna «J» esimdi azamat Aýdı B-4 markaly avtokóliginiń 2 aldyńǵy shamyn urlap áketkeni jóninde aryz jazǵan.
Dál osy kúni ІІB-ne osyǵan uqsas oqıǵa qaıtalanyp, «R» esimdi azamat kóliginiń aldyńǵy bamperi urlanǵandyǵy týraly aryz túsirgen.
Jedel izdestirý sharasy barysynda elorda turǵyny, buryn QR QK-niń 178-babynyń 2-tarmaǵy boıynsha sottalǵan adam ustaldy.
Kúdikti urlanǵan avtokólik bólshekteri esebinen, «jeńil ádispen» óziniń zaqymdanǵan avtokóligin qalpyna keltirgisi kelgendigi anyqtaldy.
Qylmystyq is qozǵaldy. Tergeý amaldary júrgizilýde.
