Urlanǵan avtokólikterdi Reseıden Qazaqstanǵa zańsyz tasymaldaý arnasyn uıymdastyrýshy ustaldy - QR ІІM
ASTANA. 8 mamyr. QazAqparat - ІІM Krımınaldyq polıtsııa komıtetiniń Ońtústik óńirlik uıymdasqan qylmysqa qarsy kúres basqarmasy Almaty qalalyq ІІD-niń Uıymdasqan qylmysqa qarsy kúres basqarmasymen birlese otyryp, laqap aty «Neboskreb» atty 44 jastaǵy uıymdasqan qylmystyq toptyń múshesin qolǵa túsirdi. Bul týraly búgin QR ІІM baspasóz qyzmetiniń málimetterinde habarlandy.
«Tintý kezinde Qazaqstan men Reseıdiń jol polıtsııasy tirkeý bólinisteriniń, keden organdarynyń kólik quraldarynyń tirkelgendigi týraly jalǵan kýálikter, kelisimsharttar, senim hattar, mórler jáne shtamptar, sondaı-aq ózgertilgen agregattyq málimetterimen «Nıssan» jáne «Toıota Kamrı» markaly avtokólikter tárkilenip alyndy»,-delingen ІІM málimetinde.
Qolǵa túsken kúdikti TMD elderi azamattarynan quralǵan toppen birge urlanǵan qymbat avtokólikterdi Reseıden Qazaqstanǵa zańsyz tasymaldaý arnasyn uıymdastyrǵan.
