Urlanǵan avtobólshekter qaıda satylady
Polıtsııa ókilderi urlanǵan avtobólshekterdiń qaı jerde satylatynyn aıtty.
«Ustalǵan bólshekter kóbinese Carcity, Tulpar bazarlarynda satylady. Kópshilik jaǵdaılarda Lexus Toyota kólikteriniń aınasyna suranys joǵary», - dedi qalalyq ІІD Bótenniń múlkin urlaýdy áshkereleý bóliminiń basshysy Alekseı Streltsov.
Sonymen qatar, polıtsııa ókilderi jeke terrıtorııalardy prokýrordyń sanktsııasynsyz tekserýge quqyqtarynyń joq ekendigin aıtty.
«Polıtsııa ustalǵan bólshekter satylatyn kanaldardy tekserip otyrady. Avtobólshek oryndarynyń tizimi bar. Olar únemi tekserilip turady. Biraq, jeke terrıtorııalardy prokýrordyń sanktsııasynsyz tekserýge qaqymyz joq.», - dedi ol.
Aıta ketsek, Qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi. Oqıǵa Qurmanǵazy -Baıseıitova kósheleriniń qıylysynda 19 shildede túski saǵat 15:00 shamasynda bolǵan. Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsınov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olımpıada júldegeri qaıtys boldy.
Adam óltirý babymen qylmystyq is qozǵaldy.
Búgin belgili bolǵandaı, sportshynyń ólimine qatysy bar eki kúdiktiniń biri ustalyp, ol qylmysyn moıyndady. Ekinshi kúdikti - 1994 jyly týǵan Qyzylorda oblysy, Qarmaqshy aýdany, Aqaı aýylynyń týmasy Arman Qudaıbergenovke izdeý jarııalandy.
