Urlanǵan alty jasar Muhammed tabyldy - OQO
ShYMKENT. QazAqparat - Ońtústik Qazaqstan oblysynyń Ordabasy aýdanynda joǵalyp ketken búldirshindi polıtseıler Arys qalasynan tapty
Bul týraly oblystyq ishki ister departamentiniń baspasóz qyzmeti málim etti, dep habarlaıdy otyrar.kz. Polıtseılerdiń aıtýynsha, balamen birge 60 jastaǵy áıel bolǵan. «Ol kisiniń bet-beınesi buǵan deıin taratylǵan fotorobotpen uqsas keldi. Tolyq aqparat keıinirek beriledi», delingen habarlamada.
Qazir Muhammed Shymkentke kele jatyr. Anasy Janna Aǵabekovanyń aıtýynsha, tártip saqshylary balanyń densaýlyǵy qalypty, jaǵdaıy jaqsy dep málim etti.
Eske salaıyq, buǵan deıin oblystyq ishki ister departamentiniń ókilderi 6 jasar Muhammedtiń joǵalýyn tekserý barysynda osy iske qatysty ekinshi kúdiktiniń baryn aıtqan edi. Al birinshi kúdiktiń fotoroboty jasalyp, izdeý jarııalanǵan bolatyn.
