Urlanǵan aktıvterdi qaıtarý: Qazaqstan men Laos yntymaqtastyq týraly kelisim jasasty
ASTANA. KAZINFORM - 2026 jylǵy 3 qyrkúıekte Astana qalasynda Qazaqstan Respýblıkasynyń Bas Prokýrory Berik Asylov pen Laos Halyqtyq-Demokratııalyq Respýblıkasynyń Joǵarǵy halyq prokýratýrasynyń Bas prokýrory Lıvong Laolı aktıvterdi qaıtarý salasyndaǵy yntymaqtastyq týraly Memorandýmǵa qol qoıdy.
QR Bas prokýratýrasy baspasóz qyzmetiniń habarlaýynsha, qujat vedomstvoaralyq yntymaqtastyqty damytýǵa, tájirıbe jáne aqparat almasýǵa, sondaı-aq urlanǵan aktıvterdi qaıtarý máseleleri boıynsha ózara járdem kórsetýge quqyqtyq negiz qalyptastyrady.
Halyqaralyq yntymaqtastyqty keńeıtý zańsyz shyǵarylǵan qarajatty jedel anyqtaýǵa, izdestirýge jáne qaıtarýǵa, sondaı-aq olardy shetelge shyǵarý men jasyrýǵa jol bermeýge múmkindik beredi.
-Memorandým halyqaralyq sharttar men ulttyq zańnamaǵa sáıkes qylmystyq ister boıynsha yntymaqtastyqqa járdem kórsetýdi, konsýltatsııalar ótkizýdi, ozyq tájirıbemen almasýdy, sondaı-aq prokýratýra organdary qyzmetkerleriniń biliktiligin arttyrýdy kózdeıdi,-delingen habarlamada.
Memorandýmǵa qol qoıý Qazaqstannyń osy baǵyttaǵy halyqaralyq yntymaqtastyǵyn odan ári nyǵaıtý jolyndaǵy kezekti qadam boldy.
Osyǵan deıin Atyraý prokýratýrasynyń memleketke mıllıondaǵan aktıvterdi qaıtarǵany týraly jazdyq.
