Urlanǵan 26 jylqy ıesine qaıtaryldy –Jambyl oblysy
TARAZ. QazAqparat – Jambyl oblysynyń polıtseıleri urlanǵan 26 jylqyny tapty, dep habarlaıdy QazAqparat tilshisi.
11 jeltoqsanda Taraz qalasynyń 34 jastaǵy turǵyny Turar Rysqulov aýdany aýmaǵynda jaıylymynan belgisiz bireýlerdiń 26 jylqysyn urlap ketkendigin aıtyp, aryzdanǵan..
Oblystyq polıtsııa departamentiniń baspasóz qyzmetiniń habarlaýynsha, jedel-izdestirý is-sharalaryn júrgizý barysynda T. Rysqulov aýdanynyń polıtseıleri mal urlyǵy úshin buryn eki ret sotty bolǵan Jarlysý aýylynyń 31 jastaǵy turǵynyn qolǵa túsirdi.
Jylqylar ıesine qaıtaryldy. Búgingi tańda bul urlyqqa basqa adamdardyń, sondaı-aq kúdiktiniń osy sekildi ózge de qylmystarǵa qatystylyǵy tekserilýde.
