Urlaǵan malyn Qazaqstanda mıllıonǵa satqan qyrǵyzstandyq ustaldy

ASTANA. QazAqparat - Qazaqstanda urlap alǵan malyn satyp, 1 mln. teńge paıda tapqan Qyrǵyzstan turǵyny ustaldy, dep habarlaıdy Qyrǵyzstan Respýblıkasynyń ІІM-inen.

Atalmysh vedomstvonyń habarlaýynsha, 11 tamyzǵa qaraǵan túni Qarabýra aýdany Kóksaı aýlynyń mańyndaǵy Sýýlý-Arybek jaıylymynan belgisiz bireýler jergiliktiń turǵynnyń 23 bas iri qara malyn aıdap áketken. Talas aýdany men Qarabýra aýdandyq ІІB-niń qyzmetkerleriniń qolǵa alǵan sharalarynyń nátıjesinde atalmysh qylmysqa qatysy bar degen kúdikpen osy aýdannyń 1967 jyly týǵan turǵyny ustalǵan. Ol buǵan deıin esirtkige qatysty qylmysy úshin sottalǵan eken.

Ustalǵan azamat óziniń sybaılastarymen birge urlanǵan maldy shekaradan aıdap ótkizip, Qazaqstanda 1 mıllıon teńgege 16 sıyr malyn satyp úlgergen. Kúdiktiniń úıin tintý kezinde onyń qorasyna jınalǵan shóptiń arasynan 12 keli 800 gramm marıhýana tabylǵan. Qazirgi kezde ol qamaýǵa alynǵan, tergeý amaldary júrgizilýde, dep habarlaıdy kginform.com.