«Úrker» syılyǵy jýrnalısterdiń mártebesin kóteredi dep senemin - Abaev
ASTANA. QazAqparat - Búgin "Úrker" syılyǵyn saltanatty tapsyrý rásimi aıasynda QR Aqparat jáne kommýnıkatsııalar mınıstri Dáýren Abaev aqparat salasynyń úzdikterin marapattady, dep xabarlaıdy QazAqparat tilshisi.
"Kúni keshe aqparat týraly zańnamany talqylaǵanda maǵan jýrnalısterdiń mártebesine qatysty kóp suraqtar qoıyldy. Aqparat salasynda júrgen mamandardyń mártebesin kóterýdiń mańyzdylyǵy jaıynda aıtyldy. Búgingi "Úrker" syılyǵy da jýrnalısterdiń mártebesin kóterýge óz úlesin qosa alady dep senemin. Osy premııa ómirsheń ári ashyq bolsyn! Bolashaǵy zor bolsyn!", - dedi Abaev óziniń quttyqtaý sózinde.
Aıta keteıik, "Úrker" syılyǵyn saltanatty tapsyrý rásimin ashqan mınıstr Abaev "Qazposhta", "Qazaqstan temirjoly", "Astanatelekom" men "Qazaqtelekom" kompanııalarynyń biraqatar qyzmetkerlerin marapattady. Al "Habar" arnasy, "Vechernıaıa Almaty" gazeti, "Ádebıet portaly", "Jetisý" arnasy men QR Іshki ister mınıstrliginiń qyzmetkerlerine "Aqparat salasynyń úzdigi" tósbeligisin tabystady.
