Úrker: «Egemen Qazaqstan» gazetine 100 jyl» júldesi Namazaly Omashqa buıyrdy
NUR-SULTAN. QazAqparat - «Qazmedıa» ortalyǵynda ótip jatqan «Úrker-2019» ulttyq baıqaýynda «Egemen Qazaqstan» gazetine 100 jyl» júldesi tabystaldy, dep habarlaıdy QazAqparat tilshisi.
Atalmysh baıqaý bıyl el gazeti «Egemen Qazaqstan» gazetiniń ǵasyrlyq toıy aıasynda ótip jatqandyqtan, mereıtoılyq júlde tabystaldy. Atalmysh júlde qazaq jýrnalıstıkasyna eńbegi sińgen, belgili ustaz, maıtalman maman Namazaly Omashqa buıyrdy.
«Egemen Qazaqstan» ujymynda bul júldege laıyq ardagerler kóp. Maǵan gazettiń jylnamasyn jınaqtaýǵa qosqan úlesim úshin berildi dep oılaımyn. Jýrnalıster merekesi men «el gazetiniń ǵasyr toıy qutty bolsyn», - dedi Namazaly Omash júldeni alyp turyp.
Úshinshi jyl qatarynan ótip jatqan «Úrker-2019» baıqaýynyń qorytyndysy bıyl resmı bekitilgen BAQ qyzmetkerleri kúnine dóp kelip otyr.
