«ÚRKER-2025» ulttyq syılyǵyna ótinimder qabyldaý bastaldy
ASTANA. KAZINFORM — Baspa, radıo jáne ınternet-jýrnalıstıka salasyndaǵy «ÚRKER-2025» ulttyq syılyǵyna ótinim qabyldanady, dep habarlaıdy Mádenıet jáne aqparat mınıstrliginiń baspasóz qyzmeti.
Mádenıet jáne aqparat mınıstrliginiń uıymdastyrýymen ótetin baıqaýǵa medıakontent óndiretin jáne taratatyn respýblıkalyq, óńirlik radıostantsııalar, baspa jáne ınternet-basylymdar qatysa alady.
— Ótinimder 2025 jylǵy 1-20 qazan aralyǵynda qabyldanady. Konkýrstyq jumystar 2024 jylǵy 12 tamyz ben 2025 jylǵy 30 qyrkúıek aralyǵynda respýblıkalyq nemese óńirlik baspa jáne ınternet-basylymdarda jarııalanýy, ne radıoefırde shyǵýy tıis. Ár úmitker baıqaýdyń tek eki nomınatsııasyna ǵana qatysa alady, — delingen vedomstvo habarlamasynda.
Ótinimder urker-awards.kz resmı saıtynda 11 nomınatsııa boıynsha qabyldanady:
- Jyldyń úzdik suhbaty
- Jyldyń úzdik reportajy
- Áleýmettik taqyryptaǵy úzdik materıal
- Jyldyń úzdik jýrnalıstik zertteýi
- Jyldyń úzdik analıtıkalyq materıaly
- Radıostantsııadaǵy úzdik joba
- Jyldyń úzdik fotosýreti
- Jyldyń úzdik jańalyqtar portaly
- Jyldyń úzdik óńirlik BAQ
- Jyldyń úzdik podkasty
- Jyldyń úzdik YouTube-arnasy
Aıta keteıik, jumystardy bedeldi jýrnalıster, salanyń eńbek sińirgen qaıratkerleri men medıasarapshylardan quralǵan táýelsiz qazylar alqasy baǵalaıdy. Konkýrs qorytyndysy boıynsha ár nomınatsııa jeńimpazyna «ÚRKER — 2025» estelik músinshesi jáne 1 000 000 teńge kóleminde aqshalaı syıaqy tabystalady. «ÚRKER» ulttyq syılyǵy — baspa, radıo jáne ınternet-jýrnalıstıka salasyndaǵy úzdik jetistikter úshin beriledi.
Budan buryn «Úrker» ulttyq syılyǵynyń 2024 jylǵy jeńimpazdary kimder bolǵanyn jazǵan edik.