«URKER – 2025» ulttyq báıgesiniń jeńimpazdary anyqtaldy
ASTANA. KAZINFORM – Búgin elordada jýrnalıstıka salasyndaǵy eń bedeldi marapattardyń biri — «URKER – 2025» ulttyq baıqaýynyń jeńimpazdary anyqtaldy.
Bıylǵy jeńimpazdar tizimi:
● Jyldyń úzdik portaly – «Adyrna» ulttyq portaly.
● Áleýmettik taqyryptaǵy úzdik materıal – Tamara Vaal (Vlast.kz).
● Úzdik óńirlik BAQ – «Astana aqshamy» gazeti.
● Jyldyń úzdik jýrnalıstik zertteýi – Maıra Erǵalı («Atyraý» gazeti).
● Jyldyń úzdik suhbaty – Baýyrjan Karıpov (Qaz365.kz).
● Radıostantsııadaǵy úzdik joba – «Nysana» («Shalqar» ulttyq radıosy).
● Jyldyń úzdik fotosýreti – Igor Býrgandınov («Kazahstanskaıa pravda»).
● Jyldyń úzdik podkasty – Qstar Group.
● Jyldyń úzdik YouTube-arnasy – «Eksperty KZ».
● Jyldyń úzdik reportajy – Ivan Sýhorýkov (Tengrinews.kz).
● Jyldyń úzdik analıtıkalyq materıaly – Ilıa Paşenko («Kazahstanskaıa pravda»).
Sonymen qatar, QR Ortalyq kommýnıkatsııalar qyzmetiniń dırektory Asqar Omarov arnaıy nomınatsııa – «Jumysshy mamandyqtary jylyna arnalǵan syılyqty» Zakon.kz redaktsııasyna tapsyrdy.
Arnaıy júldeler:
● «Úrker» ulttyq baıqaýynyń arnaıy syılyǵy – «Kazahstanskaıa pravda» gazeti.
● «Úrker – 2025» arnaıy júldesi – «Kazinform» halyqaralyq aqparat agenttigine berildi.
Marapatty qabyldaǵan «Kazinform» halyqaralyq aqparat agenttiginiń basqarýshy dırektory Naǵashybek Aldan óz sózinde:
– Bul syılyq qazir qolymda turǵanymen, keńsedegi, óńirdegi, sheteldegi tilshilerdiń qýanyshyn elestetip otyrmyn. «Kazinform» — Qazaqstandaǵy tuńǵysh aqparat agenttigi ári halyqaralyq deńgeıdegi mártebesi bar uıym. Biz aqparatty 5 tilde — qazaq, orys, aǵylshyn, ózbek jáne qytaı tilderinde usynamyz. Sondaı-aq tóte jazýmen qandastarymyzǵa arnap materıaldar taratamyz. Bıyl 105 jyldyq mereıtoıymyzdy atap ótip, agenttik jaıly kitap shyǵardyq. «Úrker» júldesi – bizdiń eńbegimizge berilgen úlken baǵa jáne memleket tarapynan kórsetilgen senim men qamqorlyqtyń belgisi, – dedi ol.
Baıqaýdyń uıymdastyrýshylary – QR Mádenıet jáne aqparat mınıstrligi men «Medıa damytý qory» korporatıvtik qory. Іs-sharanyń seriktesteri – «Qazcontent» AQ, «Qazaq gazetteri» JShS jáne «Sport+» telearnasy.
Marapattaý rásimine qoǵam jáne medıa salasynyń tanymal tulǵalary, Parlament depýtattary, jetekshi aqparat quraldarynyń bas redaktorlary qatysty.
Eske sala keteıik, bıyl Kazinform halyqaralyq aqparat agenttigine 105 jyl toldy.
Kamıla Múlik