«ÚRKER» - 2024 Ulttyq báıgesine ótinimder qabyldaý bastaldy
ASTANA. KAZINFORM – Qazaqstan Respýblıkasy Mádenıet jáne aqparat mınıstrliginiń uıymdastyrýymen baspa, radıo, ınternet-jýrnalıstıka salasyndaǵy «ÚRKER» – 2024 ulttyq báıgesine ótinimderdi qabyldaý bastaldy.
QR Mádenıet jáne aqparat mınıstrligi baspasóz qyzmetiniń habarlaýynsha, baıqaýǵa medıakontent óndiretin jáne taratatyn respýblıkalyq, óńirlik jáne halyqaralyq radıostantsııalar, baspa jáne ınternet-basylymdar baıqaýǵa qatysa alady.
Ótinimder 2024 jyldyń 13 tamyzynan bastap 1 qyrkúıekke deıin qabyldanady.
Konkýrstyq jumystar 2023 jyldyń 7 tamyzy men 2024 jyldyń 11 tamyzy aralyǵynda respýblıkalyq, óńirlik jáne halyqaralyq baspa jáne ınternet-basylymdarda jarııalanýy nemese radıoefırde shyǵýy tıis. Ár úmitker baıqaýdyń tek eki nomınatsııasyna qatysa alady.
Qazaqstan Respýblıkasy Mádenıet jáne aqparat mınıstrliginiń uıymdastyrýymen baspa, radıo, ınternet-jýrnalıstıka salasyndaǵy «ÚRKER» – 2024 ulttyq báıgesine ótinimderdi qabyldaý bastaldy.
Medıakontent óndiretin jáne taratatyn respýblıkalyq, óńirlik jáne halyqaralyq radıostantsııalar, baspa jáne ınternet-basylymdar baıqaýǵa qatysa alady.
Ótinimder 2024 jyldyń 13 tamyzynan bastap 1 qyrkúıekke deıin qabyldanady.
Konkýrtyq jumystar 2023 jyldyń 7 tamyzy men 2024 jyldyń 11 tamyzy aralyǵynda respýblıkalyq, óńirlik jáne halyqaralyq baspa jáne ınternet-basylymdarda jarııalanýy nemese radıoefırde shyǵýy tıis. Ár úmitker baıqaýdyń tek eki nomınatsııasyna qatysa alady.
Ótinimder urker-awards.kz resmı saıtynda 12 nomınatsııa boıynsha qabyldanady:
1. Jyldyń úzdik suhbaty
2. Jyldyń úzdik reportajy
3. Áleýmettik taqyryptaǵy úzdik materıal
4. Jyldyń úzdik jýrnalıstik zertteýi
5. Jyldyń úzdik analıtıkalyq materıaly
6. Radıostantsııadaǵy úzdik joba
7. Jyldyń úzdik fotosýreti
8. Jyldyń úzdik jańalyqtar portaly
9. Úzdik óńirlik BAQ
10. Halyqaralyq BAQ-ta Qazaqstan týraly jarııalanǵan úzdik materıal (baspa, radıo, ınternet-jýrnalıstıka salasynda)
11. Úzdik podkast
12. Úzdik YouTube kanaly
Jumystardy bedeldi jýrnalıster, salanyń eńbek sińirgen qaıratkerleri men halyqaralyq medıasarapshylardan quralǵan táýelsiz qazylar alqasy baǵalaıtyn bolady.
Konkýrs qorytyndysy boıynsha ár nomınatsııanyń jeńimpazyna «ÚRKER» - 2024 estelik músinshesi men 1 000 000 teńge kóleminde aqshalaı syıaqy tabystalady.
«URKER» - baspa, radıo, ınternet-jýrnalıstıka salasyndaǵy úzdik jetistikter úshin beriledi, aımaqtardaǵy mýltımedııalyq jýrnalıstıkany damytýǵa yqpal etýge, jýrnalıstıka mártebesin arttyrýǵa, kásibı standarttar men krıterılerdi bekitýge, azamattyq belsendilikti arttyrýǵa baǵyttalǵan.
