«URKER-2022» Ulttyq báıgesine ótinim qabyldaý 19 qazanǵa deıin jalǵasady
Respýblıka aýmaǵynda medıakontent óndiretin jáne taratatyn respýblıkalyq jáne óńirlik radıostantsııalar, baspa jáne ınternet-basylymdar báıgege qatysa alady.
Ótinimderdi qabyldaý 2022 jylǵy 30 qyrkúıekten bastap 19 qazanǵa deıin júzege asyrylady.
Konkýrstyq jumystar 2021 jylǵy 2 maýsym men 2022 jylǵy 29 qyrkúıek aralyǵynda jarııalanyp, basylymda, ınternet-resýrsta jarııalanýy nemese radıoefırge shyǵýy tıis. Ár úmitker báıgeniń tek eki nomınatsııasyna qatysýǵa quqyly.
Ótinimder urker-awards.kz resmı saıtynda 10 nomınatsııa boıynsha qabyldanady:
Jyldyń úzdik suhbaty
Jyldyń úzdik reportajy
Áleýmettik taqyryptaǵy úzdik materıal
Jyldyń úzdik jýrnalıstik zertteýi
Jyldyń úzdik analıtıkalyq materıaly
Halyqaralyq taqyryptaǵy úzdik materıal
Jyldyń úzdik jańalyqtar portaly
Radıostantsııadaǵy úzdik joba
Jyldyń úzdik fotosýreti
Úzdik óńirlik BAQ
Arnaıy syılyqtar:
Ahmet Baıtursynuly atyndaǵy arnaıy syılyq (baspasóz BAQ jobasy)
Sherhan Murtaza atyndaǵy arnaıy syılyq (avtorlyq joba)
Batyr Qazybaev atyndaǵy arnaıy syılyq (ınternet BAQ jobasy)
Qazylar alqasynyń quramyna eldiń medıa salasyn damytýǵa eleýli úles qosqan belgili medıa menedjerler, jýrnalıster, qoǵam qaıratkerleri kiredi.
Ár nomınatsııanyń úzdik ókiline Syılyq jeńimpazy ataǵymen birge «Urker-2022» estelik músinshesi jáne 1 mıllıon teńge kóleminde qarjylaı syıaqy beriledi.
Sharany QR Mádenıet jáne sport mınıstrligi «Medıa damytý qory» korporatıvtik qory uıymdastyrady.
Baspa, radıo jáne ınternet-jýrnalıstıka salasyndaǵy «Urker-2022» ulttyq syılyǵyn (budan ári– Syılyq) uıymdastyrý jáne ótkizý maqsaty baspa, radıo jáne ınternet-jýrnalıstıka salasyndaǵy ı talantty jýrnalıster men shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesterin taný jáne shyǵarmashylyqtaryna keńinen qoǵamnyń nazaryn aýdarý bolyp tabylady.
