«URKER-2021» ulttyq báıgesiniń jeńimpazdary anyqtaldy
Eń aldymen «Jyldyń úzdik jańalyqtar portaly» atalymynda «QazAqparat» halyqaralyq aqparat agenttigi jeńiske jetti. Marapatty QR Prezıdenti teleradıokesheniniń bas dırektory Raýshan Qajybaeva tabys etti.
Sonymen birge, «BaigeNews.kz portalynyń jýrnalısi Ánýar Ábdirahmanov «Jyldyń úzdik reportajy» nomınatsııasynda jeńimpaz atandy. Syılyqty «Qazaq ádebıeti» gazetiniń bas redaktory Dáýren Qýat tabys etti.
«Jyldyń úzdik analıtıkalyq materıaly» atalymynda «Aqıqat» jýrnalynyń qyzmetkeri Dına Imambaeva ozyq dep tanyldy. Jeńimpazdy QR Parlamenti Senatynyń depýtaty Aıgúl Qapparova jarııalady.
Al «Táýelsizdiktiń 30 jyldyǵyna arnalǵan úzdik materıal» nomınatsııasynda «Semeı tańy» gazetiniń tilshisi Rıza Moldasheva jeńiske jetti. Marapatty táýelsiz Qazaqstannyń eń alǵashqy Aqparat mmınıstri, memleket jáne qoǵam qaıratkeri, jýrnalıst Qýanysh Sultanov tabystady.
«Jyldyń úzdik gazeti» marapatyn «TÚRKISTAN» halyqaralyq saıası aptalyǵyna jýrnalıst, QR Jýrnalıster akademııasynyń akademıgi Aleksandr Tarakov tabys etti.
«Jyldyń úzdik tanymdyq materıaly» atalymynda Massaget.kz portalynan Ómirbek Sansyzbaev ozyp shyqty. Júldeni Qyrǵyz Respýblıkasy Mádenıet, aqparat, sport jáne jastar saıasaty mınıstriniń orynbasary Saltanat Amanova berdi.
«Jyldyń úzdik jýrnalıstik zertteýi» júldesin «Aiqyn» gazetinen Rysbek Qydyrbek jeńip aldy.
Al «Radıostantsııadaǵy úzdik joba» atalymynda – «NS» radıosy «Novoe ýtro» baǵdarlamasy tańdalyp alyndy.
newsroom.kz portalynyń fotosýretshisi Maqsat Shaǵyrbaev «Jyldyń úzdik fotosýreti» atalymynda úzdik atandy. Marapatty tabystaý mártebesi «URKER» báıgesiniń byltyrǵy jeńimpazy, ekobelsendi Sáken Dildahmetke berildi.
«Forbes Kazakhstan» ujymy «Jyldyń úzdik jýrnaly» atandy. Syılyqty aqyn, QR Jazýshylar odaǵy Nur-Sultan qalalyq fılıalynyń tóraǵasy Dáýletkereı Kápuly berdi.
«Jyldyń úzdik suhbaty» júldesin Vlast.kz portalynyń jýrnalısi Tamara Vaal jeńip aldy. Jeńimpaz esimin «Qazaqstan» respýblıkalyq teleradıokorporatsııasynyń tóraǵasy Lázzat Tanysbaı jarııalady.
Sonymen birge, «URKER-2021» ulttyq báıgesiniń arnaıy júldesi «Qazaq radıosy» ujymyna berildi.
«Baıqaýdyń arnaıy júldesin anyqtaý biz úshin úlken mánge ıe. Bul júldeni alyp otyrǵan ujymnyń orny bólek dese de bolady. Bir ǵasyr boıy halyqty úzdiksiz aqparatpen jáne ultymyzdyń áni men jyryn, mádenıetin halyqqa jetkizip otyrǵan elimizdiń bas radıosy – «Qazaq radıosyna» beriledi. Qazaq radıosy ujymyn shyn júrekten quttyqtaımyn! Elimizdiń radıosy myńjyldyqtar boıy qazaqtyń únin jetkize bersin. Denderińizge saýlyq, otbasylaryńyzǵa amandyq tileımin», - dedi QR Aqparat jáne qoǵamdyq damý mınıstri Aıda Balaeva.
Barlyq jeńimpazdarǵa «URKER» estelik músinshesi jáne bir mıllıon teńge mólsherindegi aqshalaı syılyq tabystaldy.
Aıta keteıik, «URKER-2021» Ulttyq báıgesi bıyl besinshi ret uıymdastyrylyp otyr. Baıqaý 11 nomınatsııa boıynsha ótkizilýde, oǵan «Táýelsizdiktiń 30 jyldyǵyna arnalǵan úzdik materıal» nomınatsııasy qosyldy.
Jýrnalısterden jalpy sany 340 jumys keldi, al úzdik jumystardy bedeldi jýrnalıster, elimizdiń shyǵarmashylyq ıntellıgentsııasynyń ókilderi men halyqaralyq medıaekspertterden quralǵan qazylar alqasy anyqtady.
Baspa, radıo, ınternet-jýrnalıstıka salasyndaǵy jetistikteri úshin beriletin qazaqstandyq Ulttyq «URKER» syılyǵy talantty jýrnalıster men shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesin moıyndaý jáne olardyń shyǵarmashylyǵyna qoǵamnyń nazaryn aýdarý maqsatynda 2017 jyly taǵaıyndalǵan.
Baıqaý uıymdastyrýshylary - QR Aqparat jáne qoǵamdyq damý mınıstrligi, «Medıa damytý qory» korporatıvtik qory jáne «Qazmedıa ortalyǵy» BK. Shara demeýshileri – «Qazaqstan» RTRK jáne «Habar «Agenttigi» AQ.
