«Úrker-2017» syılyǵy: óńirlik jýrnalıster belsendilik tanytýda
ASTANA. QazAqparat - Baspasóz, radıo jáne ınternet-jýrnalıstıka salasyna arnalǵan «Úrker-2017» ulttyq syılyǵyna júzden astam ótinim kelip tústi. Onda Soltústik jáne Shyǵys Qazaqstan oblystarynyń jýrnalısteri belsendilik tanytýda, dep habarlaıdy «QazAqparat» HAA tilshisi.
Aqparat jáne kommýnıkatsııalar mınıstrliginiń resmı ókili Albına Atenniń málimdeýinshe, baıqaýǵa «Úzdik taldamalyq materıal», «Úzdik suhbat» jáne «Úzdik reportaj» atalymdary boıynsha ótinimder kóptep túsýde. Jeńimpazdar maýsym aıynyń sońynda - BAQ qyzmetkerleriniń arnaıy merekesi qarsańynda anyqtalady jáne saltanatty marapattaý rásimi uıymdastyrylady.
«Bul jýrnalısterdiń qarym-qabiletin tanytatyn tamasha múmkindik jáne jýrnalısterge arnalǵan elimizdegi bedeldi syılyqtardyń biri», - dep atap ótti A.Aten.
Mamyr aıynyń basynda QR Aqparat jáne kommýnıkatsııalar mınıstri Dáýren Abaev jýrnalısterdi Baspa, radıo jáne ınternet jýrnalıstıka salasyndaǵy tuńǵysh «Úrker» ulttyq syılyǵyna qatysýǵa shaqyrǵan edi. Baıqaýǵa qatysý týraly ótinishter 7 mamyr men 7 maýsym aralyǵynda urker@el.kz elektrondyq poshtasy arqyly qabyldanady. Usynylǵan dúnıelerdi belgili qoǵam qaıratkerleri, zııaly qaýym ókilderi men kásibı jýrnalısterden quralǵan qazylar alqasy sarapqa salady. Baıqaý jeńimpazdary estelik músinshe men aqshalaı syılyqqa ıe bolady.
Aıta keteıik, búgin Ortalyq kommýnıkatsııalar qyzmetiniń resmı ókiliniń apta saıynǵy brıfıngi ótti. Onda aptanyń eń mańyzdy is-sharalary týraly habarlama berildi jáne ortalyq memlekettik organdardyń baspasóz hatshylary men resmı ókilderi jýrnalıster saýalyna jaýap berdi .
