Uryp-soǵyp, baılap ketken: Almaty oblysyndaǵy 4 balanyń jaǵdaıy qalaı

QONAEV. KAZINFORM – Almaty oblysynyń dárigerleri, belgisiz er adamnan taıaq jegen balalardyń jaǵdaıy týraly aıtty.

Óńirdiń Densaýlyq saqtaý basqarmasynyń málimetinshe, 15 aqpan kúni keshki saǵat 19:40 shamasynda Jambyl aýdany ortalyq aýdandyq aýrýhanasynyń qabyldaý bóliminen jedel járdem 4 balany jetkizdi.

«12-13 jas aralyǵyndaǵy eki balanyń jumsaq tinderi kógergen. Barlyq medıtsınalyq tekserýlerden keıin olar ambýlatorlyq emdeýge jiberildi. Úshinshi 10 jastaǵy balany hırýrg-travmatolog dárigerler qarap shyqty. Onyń denesinen jaraqat anyqtalmady. Balany qosymsha qaraý úshin sot-medıtsınalyq saraptamaǵa jiberildi», - dep atap ótti vedomstvodan.

8 jastaǵy bala aýrýhanaǵa jatqyzyldy.

«Bala oblystyq balalar klınıkalyq aýrýhanasyna jatqyzyldy. Kishkentaı naýqasqa mıdyń kompıýterlik tomografııasy jáne ish qýysyna ýltradybystyq zertteý jasaldy. Balada kóptegen jumsaq tinderdiń kógerýi, teri astyndaǵy gematomalar, erinniń jáne moıyn aımaǵy syrylǵan», - dep tolyqtyrdy Densaýlyq saqtaý basqarmasynan.

Buǵan deıin áleýmettik jelide balalardyń soqqyǵa jyǵylǵany týraly vıdeo tarady. Onda aıaq-qoly baılanyp, bet-aýzy kógergen kishkentaı ul men qyz balanyń qatty shoshynyp, sóıleı almaı jatqan jáne olarǵa kórshileriniń kómek kórsetip jatqan sáti túsken. 

Keıin Almaty oblysynyń bas polıtseıi Baýyrjan Álenov kúdiktiniń ustalǵanyn jetkizdi.