Úrimjidegi jarylysty uıymdastyrǵan kúdiktiler anyqtaldy
ASTANA. QazAqparat - Qytaı polıtsııasy Úrimjide 34 adamnyń ómirin qıǵan, 94 adamdy jaralaǵan jarylysty uıymdastyrǵan 5 kúdiktini anyqtady, dep habarlady «Sınhýa» agenttigi.
Kúdiktilerdiń tórteýi terrakt kezinde qaza boldy, taǵy bireýi polıtsııanyń quryǵyna tústi. Olardyń bári de kóp ýaqyt boıy dinı ekstremısterdiń áserinde bolǵan. Solardyń bergen vıdeo, aýdıo materıaldaryn kórip-tyńdaǵan, zańsyz árekettermen aınalysqan. 2013 jyldyń sońynda 5 adamnan turatyn uıymdasqan qylmystyq top quryp, qoldan jarylǵysh quraldar jasap shyǵarýmen aınalysqan. Sóıtip 22 mamyrda jergilikti ýaqyt boıynsha tańǵy 7:50-de Úrimjide terrorlyq akti jasady. Bul Úrimjidegi 2009 jylǵy tártipsizdikterden keıin oryn alyp otyrǵan iri lańkestik. Onda 197 adam qaza bolyp, 1,7 myńy jaralanǵan bolatyn.
