Úrimjidegi jarylystan zardap shekkenderdiń arasynda qazaqstandyqtar joq
BEIJІŃ. QazAqparat - Úrimji temirjol vokzalynda jarylystan qaza tapqandardyń, zardap shekkenderdiń ishinde qazaqstandyqtar joq.
«Úrimji temirjolynda jarylystan mert bolǵan, zardap shekkenderdiń arasynda qazaqstandyq azamattar joq», - dep habarlady QazAqparatqa QR bas konsýldyǵynan.
Eske sala keteıik, sońǵy derekter boıynsha Qytaıdyń soltústik-batysyndaǵy Shyńjań-Uıǵyr avtonomııalyq ólkesiniń ortalyǵy - Úrimji qalasynyń temirjol vokzalyndaǵy jarylystan 3 adam qaza taýyp, 79-y jaraqattanǵan.
Qaıǵyly oqıǵa Úrimji qalasynyń ońtústik temirjol vokzalynda Beıjiń ýaqyty boıynsha saǵat 19:10-da oryn aldy. K453 reısiniń jolaýshylaryn kútip turǵan adamdarǵa pyshaqpen qarýlanǵan belgisiz adamdar toby tap bergen. Osy oqıǵamen bir ýaqytta vokzalda qatty jarylys boldy.
