Úrimjide jalǵyz adamǵa arnalǵan «kapsýla qonaq úı» paıda boldy
ASTANA. QazAqparat - Qytaıdaǵy Úrimji halyqaralyq áýejaıynda erekshe úlgidegi «kapsýla qonaq úı» paıdalanýǵa berildi. Bul týraly People Daily saıty habarlady.
«Kapsýla qonaq úı» Úrimji halyqaralyq áýejaıynyń úshinshi termınaly ǵımaraty ishinde ornalasqan. Onda jalpy 52 demalys bólmesi bar. Bir qyzyǵy, bólmeniń ishki dıametri 2 metr, bıiktigi 1.1 metr ǵana. Al osy shaǵyn bólme ishine teledıdar, WiFi ornatylǵan. Jolaýshylar qonaq úıge telefon arqyly aldyn ala tapsyrys ta bere alady.
Sońǵy jyldary Jibek jolyndaǵy mańyzdy qala retinde Úrimjige kelip-ketýshilerdiń sany kúrt artyp otyr. Tek ótken jyly ǵana Úrimji halyqaralyq áýejaıy 21 mıllıonǵa jýyq jolaýshyny qabyldaǵan.
