Úrimjide qazaqstandyq ónerpazdardyń kontserti ótti

ÚRІMJІ. QazAqparat - 28 jeltoqsan kúni Úkili Ybyraı atyndaǵy Aqmola oblystyq fılarmonııasynyń «Aınakól» folklorlyq ansambli men «Gákký» bı ansambli Qytaıdyń Shyńjań-Uıǵyr avtonomııalyq ólkesiniń Úrimji qalasynda kontsert ótkizdi. Óner keshi Astananyń 20 jyldyǵy men «Bir beldeý, bir jol» bastamasynyń bes jyldyǵyna arnaldy, dep habarlaıdy QazAqparattyń menshikti tilshisi.

Іs-sharany Qazaqstannyń Qytaı halyq respýblıkasyndaǵy elshiligi men QR Mádenıet jáne sport mınıstri uıymdastyrdy. Qoldaý kórsetken - QHR ShUAÓ syrtqy ister, mádenıet jáne týrızm basqarmasy. Oǵan Shyńjańnyń memlekettik organ ókilderi men qoǵam qaıratkerleri, sondaı-aq qazaqstandyq stýdentter qatysty.

Kontsertte Keńes Dúısekeevtiń «Aınakól» áni, halyq áni «Ahaý kerim» shyrqalyp, Dáýletkereıdiń «Kóroǵly», Yqylastyń «Jezkıik», Qurmanǵazynyń «Balbyraýyn» kúıleri oryndaldy. «Gákký» ansambliniń myń buralǵan bıshileri «Syılyq», «Kerbez qyz» bılerin bıledi.

    

Avtor: Sadyq Ákejanov