Úrimjide 25 jastaǵy qazaqstandyq qaza tapty
BEIJІŃ-ÚRІMJІ. QazAqparat - QHR-nyń Shyńjań-Uıǵyr avtonomııalyq ólkesi (ShUAÓ) Úrimji qalasynda qazaqstandyq 25 jastaǵy azamat Erbol Sýhanov qaza tapty. Ol «Ádemi» dámhanasynda kassır bolyp jumys istegen.
Saǵat 15:00-de jergilikti polıtsııa ýchaskesine dámhana ıeleri Qabyl Shalqar men Bolat Jaqypov kelip, jigittiń ózine-ózi qol salǵany týraly aıtty. Olardyń aıtýynsha, ol 14 naýryz kúni shamamen saǵat 8-de sońǵy úsh kúnde turyp júrgen qonaqúıdiń artqy aýlasynda asylyp qalǵan.
Olar E.Sýhanovtyń 100 myń dollardy urlaǵanyn anyqtaǵanyn, bul jaıt beınebaqylaý taspasyndaǵy jazbamen rastalǵanyn aıtty. E.Sýhanov olarǵa aqshany qaıtaratyny týraly qolhat toltyryp bergen.
Polıtsııa E.Sýhanovqa qatysty zorlyq áreketteriniń belgilerin anyqtaǵan joq. Tergeý amaldary júrgizilýde.
Qazirgi ýaqytta qaza tapqan azamattyń ata-anasy ShUAÓ-niń aýmaǵyna kirip, balasynyń denesin alyp ketý úshin qujattardy resimdep jatyr.
