Úrimji vokzalyndaǵy lańkestik: 3 adam qaza tapty, 79 adam jaralandy
BEIJІŃ. QazAqparat - Qytaıdyń soltústik-batysyndaǵy Shyńjań-Uıǵyr avtonomııalyq ólkesiniń ortalyǵy - Úrimji qalasynyń temirjol vokzalynda oryn alǵan lańkestik nátıjesinde 3 adam qaza taýyp, 79 adam jaralandy, dep habarlady «Sınhýa» agenttigi.
Qaıǵyly oqıǵa Úrimji qalasynyń ońtústik temirjol vokzalynda Beıjiń ýaqyty boıynsha saǵat 19:10-da oryn aldy. K453 reısiniń jolaýshylaryn kútip turǵan adamdarǵa pyshaqpen qarýlanǵan belgisiz adamdar toby tap bergen. Osy oqıǵamen bir ýaqytta vokzalda qatty jarylys boldy.
Lańkestik nátıjesinde 3 adam qaza taýyp, 79 adam jaralandy, onyń tórteýi aýyr jaǵdaıda.
Qazirgi ýaqytta barlyq zardap shekkenderge medıtsınalyq kómek kórsetildi. Oqıǵany tergeý boıynsha jumystar júrgizilýde.
QHR Tóraǵasy Sı Tszınpın terrorısterge qarsy aıaýsyz kúres júrgizýdi tapsyrdy. Sondaı-aq qoǵamdyq turaqtylyqty, Shyńjań halqynyń jumysy men ómirine qalypty tártipti qamtamasyz etý boıynsha tıisti sharalar qabyldaýǵa nusqaý berdi.
