Úrimji tolyqtaı gaz jáne elektr qýatyna kóshedi
ASTANA. QazAqparat - Shynjań-Uıǵyr avtonomııalyq ólkesiniń ákimshilik ortalyǵy Úrimji qalasynda jylý kózi retinde tolyǵymen tabıǵı gaz ben elektr paıdalanylady, dep habarlaıdy «Sınhýa» agenttigi.
Qala jylý basqarmasynyń aqparatyna sáıkes, kómirmen jumys isteıtin 19 myńnan astam jylý qondyrǵysy jyl sońyna deıin taza energııa kózderin qoldanatyn qondyrǵylarmen almastyrylady.
Úrimji kómirdi tabıǵı gazǵa almastyrýdy qala shetinde 2012 jyly bastaǵan. Byltyrdan beri Úrimjige baǵynatyn aýyldyq jerlerde 32 myń kómir qazandyǵy jóndeldi. Bul qys mezgilinde kómir shyǵynyn 183 myń tonnaǵa, aýaǵa kúkirt qos totyǵyn shyǵarýdy 2900 tonnaǵa, tútin men kúldiń shyǵarylýyn 7300 tonnaǵa deıin qysqartý múmkindigin berdi.
Óńir mektepterdi, kásiporyndar men memlekettik mekemelerdi elektrmen jylytýǵa qarqyn berip keledi. Jylytý aýmaǵy 7 mln sharshy metrdi quraıdy.
