Úrimshide «tozaq qaqpasy» paıda boldy
ASTANA. QazAqparat - Kórshiles Qytaıdaǵy Úrimshi qalasynyń irgesinde jalyn atqan oıyq jer paıda boldy, dep jazady 24.kz. Taý etegindegi tańǵajaıyp qubylysty tamashalaýǵa jan-jaqtan adamdar aǵylýda. Shuńqyrdyń janyna baryp jaqyndaý múmkin emes.
Jer astynan jalyndap shyqqan ottyń temperatýrasy 800 gradýsqa jýyq. Ony jergilikti blogerler «tozaq qaqpasy» dep atapty. Al ǵalymdar taý etegindegi sańylaýdy tolyq zertteı almaı, onyń qanshalyqty tereń ekenin anyqtaı alar emes. Geologııalyq bıýro mamandarynyń paıymdaýynsha, bul - kómir qyrtystarynyń jalyndaýynan paıda bolǵan qubylys. Óıtkeni óńirde belsendi janartaý joq.
«Kóktem men kúz mezgili bastalǵanda bul aımaq ylǵı tútindep jatady. Biraq eshqashan eshbir jer oıylyp, tesilgen emes. Kómir ken oryndary munda 70-shi jyldary jumys istegen bolatyn. Biraq ónim óndirý tehnologııasynyń nashar bolýynan shahtalarda jıi órt shyǵatyn. Keıin kóp uzamaı olar jabylyp qaldy», - deıdi órt sóndirý bóliminiń dırektory Chen Long.
