Úrimshide QR Tuńǵysh Prezıdenti kúnine oraı saltanatty sharalar ótti

BEIJІŃ. 3 jeltoqsan. QazAqparat - QHR-dyń Úrimshi qalasynda Qazaqstan Respýblıkasynyń Tuńǵysh Prezıdenti kúnin merekeleý aıasynda birqatar sharalar ótkizildi.

Bul sharalardyń uıymdastyrýshysy retinde Úrimshi qalasyndaǵy QR SІM Tólqujat-vıza qyzmeti men Shyńjańdaǵy ulttyq kompanııalardyń ókilderi qatysty. Olar: «QTJ» UK» AQ men oǵan qarasty «QazTemir Trans» AQ, «Keden TransQyzmet» AQ, «QazTransQyzmet» AQ-nyń ókilderi jáne stýdenttik «KSAC» uıymy. Qazaqstan Tuńǵysh Prezıdenti kúni qarsańynda tólqujat-vıza qyzmetiniń ókilderi qazaqstandyq stýdentter, magıstranttar jáne aspıranttarmen kezdesý ótkizdi. Stýdenttermen kezdesý barysynda Prezıdent Nursultan Nazarbaevtyń Táýelsiz Qazaqstannyń damýy men qalyptasý úrdisindegi róli jaıly aıtyldy.

Tuńǵysh Prezıdent kúnine oraı «Kóńildi tapqyrlar» baıqaýy ótkizilip, Qazaqstan estrada juldyzdarynyń qatysýymen shoý-baǵdarlama uıymdastyryldy.