Úrimshi Qytaıdaǵy aýasy eń las qala atandy
BEIJІŃ. QazAqparat - 2016 jyldyń birinshi toqsanynda Úrimshi - Shyńjań Uıǵyr avtonomdy ólkesiniń ákimshilik ortalyǵy Qytaıdaǵy aýasy eń las qala atandy. Bul týraly QHR Qorshaǵan ortany qorǵaý mınıstrliginen habarlady.
«Qańtar aıynan naýryz aıyna deıin úsh aıdyń jartysynan astamynda bul qalada aýa lastanýy baıqaldy», - delingen habarlamada.
Qytaıdaǵy aýasy lastalǵan qalalar tiziminde Úrimshiden keıin Hebeı provıntsııasynyń Baodın jáne Sıntaı qalalary, Henan provıntsııasyndaǵy Chjenchjoý, Hebeı provıntsııasynyń Shıtszıachjýan, Henshýı, Handan jáne Tanshan qalalary, Tszınan (Shandýn prov.) jáne Sıan (Shensı prov.) tur.
Bul joly atalǵan tizimge Beıjiń enbedi. Beıjiń-Tıantszın-Hebeı aımaǵynda birinshi toqsanda ortasha alǵanda aýanyń lastanýy barlyq kúnderdiń 40,3% bolǵan. Bul ótken jylǵy kórsetkishten jaqsyraq.
Qytaıda aýasy taza qalalar dep Haıkoý, Lhasa, Hýeıchjoý, Sıamen, Chjoýshan, Shenchjen, Tszıanmen, Chjýhaı, Fýchjoý jáne Chjýnshan sanalady.
