Úreı týǵyzatyn jalǵan habarlar, Tramp aıtpaǵan sóz: álemdi dúrliktirgen 12 feık

Ortalyq málim etkendeı, búgin AQSh-ta nemese Úndistanda taraǵan aqparat erteń Qazaqstanda da paıda bolýy múmkin. Aqparattan habardar bolý — jalǵan aqparattan qorǵanýdyń bir joly.

Dıpfeıkter jáne JI

Shynaıy beınejazbany jalǵan dep kórsetti. Florıdada ushaqtyń apatqa ushyraǵan vıdeosy «100 paıyz JI arqyly jasalǵan» degen aqparat tarady. Alaıda beınejazba shynaıy. Ony oqıǵa kýágeriniń beınetirkegishi túsirgen. Jazbany AP, CNN jáne BBC de kórsetti. Muny «ótirikshiniń dıvıdendi» dep ataıdy.

Lagos ulttyq teatryndaǵy «órt». Nıgerııanyń jelide ǵımarattyń janyp jatqan vıdeosy tarady. Bul — fılm úshin jasalǵan kompıýterlik grafıka. Kadrda stýdııanyń sýtańbasy da kórinip qalǵan.

Lavrov pen Djaıshankardyń «janjaly». Jelide Reseı men Úndistannyń SІM-leri bir-birine dóreki jaýap berip jatqandaı kórinetin eki vıdeo tarady. Birin Úndistannyń zańgeri jarııalaǵan. BOOM faktchekerleri túpnusqa jazbalaryn tapty. Vıdeo men dybys JI kómegimen jasalǵan.

Hakerlik shabýyldar jáne jalǵan habarlamalar

TJM qosymshasyndaǵy ıadrolyq qaýip týraly jalǵan dabyl. 2 qarashaǵa qaraǵan túni hakerler Reseı TJM-niń qosymshasyn buzyp, ıadrolyq zymyrandar ushyrylǵany týraly habarlamalar taratqan. Ony Máskeý, Sankt-Peterbýrg jáne taǵy 8 óńirdiń turǵyndary alǵan. TJM kıbershabýyldy rastady. Eskertý júıesi zardap shekpegen.

Tashkenttegi «avtoturaq qaryzy». Turǵyndarǵa resmı saıtqa uqsatyp jasalǵan resýrsqa siltemesi bar SMS-habarlamalar kelip jatyr. Sheteldik nómirden avtoturaqtardy paıdalaný múmkindigi shekteletinin eskertiledi. Operator SMS-habarlamalardy taratpaıtynyn málimdedi. Eger bank kartańyzdyń derekterin engizip qoıǵan bolsańyz, ony bank arqyly dereý buǵattańyz.

BAQ pen áleýmettik jelilerdegi jalǵan skrınshottar

«Fox News S. Abramstyń jeńisin jarııalady». AQSh-taǵy saılaý kúni, ýchaskeler jabylardan 12 saǵat buryn X jelide telearnadan alynǵandaı etip jasalǵan jalǵan kadr jarııalandy. Alaıda S. Abrams osy saılaýǵa qatysqan joq. Fox News mundaı efır bolmaǵanyn rastady.

«Tramptyń jazbalary». Truth Social jelisindegi eki jazbanyń skrınshoty Facebook, Instagram jáne TikTok-ta tarady. Birinshi skrınshotta Tramp Ilon Maskqa respýblıkashyldardyń daýysy «úsh daýys bolyp esepteletini» úshin alǵys aıtqandaı kórsetilgen. Ekinshisinde ol respýblıkashyldardyń barlyǵy jeńiske jetkenin aldyn ala jarııalaǵandaı áser qaldyrady. AFP agenttigi bul jazbalardy Tramptyń akkaýntynan da, muraǵattardan da tappady. Ekinshi skrınshotty alǵashynda satıralyq paraqsha jarııalaǵan.

Saılaýǵa qatysty feıkter

Brazılııadaǵy saılaý nátıjelerin burmalaý týraly «saraptamalyq esep». Qujatta Lýla 17:00–den keıin berilgen daýystardan jeńiske jetkeni aıtylǵan. Jazba 712 myń qaralym jınady. Lupa faktchekerleri 17:00–den keıin shamamen 34 myń adam ǵana daýys bergeni, al Lýlanyń qarsylasynan basymdyǵy shamamen 4,4 mln daýys bolǵany anyqtady.

Hıýstondaǵy «20 myń jalǵan bıýlleten». Saılaý kúni jelilerde FTB túnde qoımadan demokrattar úshin aldyn ala toltyrylǵan bıýlletenderdi tapqany týraly aqparat tarady. Habarlamany 300 myńnan az jazylýshysy bar akkaýnt jarııalaǵanymen, jazba 400 myńnan astam qaralym jınady. FTB mundaı reıd júrgizilmegenin málimdedi.

Eski beınejazbalardy jańa oqıǵa retinde kórsetý

«Sheteldikter Qatardan jappaı ketip jatyr». Hamad halyqaralyq áýejaıynda jınalǵan adamdardyń vıdeosy tarady. Alaıda bul beınejazba 2026 jylǵy aqpanda túsirilgen.

«Iran qurlyqaralyq zymyrandy synaqtan ótkizdi». Jelide Irannyń zymyran synaǵy retinde usynylǵan vıdeo shyn máninde 2023 jyly AQSh-tyń Tehas shtatynda Starship zymyrany ushyrylǵan sátti kórsetedi.

Úreı týǵyzatyn jalǵan habarlar

«Tsıfrlyq apokalıpsıs». Jelide 17 el óz azamattaryna azyq-túlik qoryn jınaýǵa keńes bergeni, al hakerler bankter men ınternetti isten shyǵaratyny týraly aqparat tarady. Bastapqy jazba 5,3 mıllıon qaralym jınady. Bul ár jyldary ártúrli elder jarııalaǵan ádettegi usynymdardan qurastyrylǵan. Bir-birine qatysy joq málimetter biriktirilip, jalǵan oqıǵaǵa aınalǵan.