Ýrannyń qymbattaýy qarjylyq múmkindikterimizdi nyǵaıtty - Qazatomónerkásip

NUR-SULTAN. QazAqparat - « Qazatomónerkásip « ulttyq atomdyq kompanııasy» AQ Basqarma tóraǵasy Ǵalymjan Pirmatov kompanııanyń qazirgi ahýalyn baıandady, dep habarlaıdy QazAqparat tilshisi.

«Búginde biz jedel sharalarmen qatar, salany damytý, kompanııa qunyn arttyrý boıynsha uzaq merzimdi mindetterdi de atqaryp jatyrmyz. Elimizdiń ýran zapasyna degen túbegeıli jańa qarym-qatynas jóninde de jumys isteýdemiz. Sizge baıandaǵanymdaı (Nursultan Nazarbaevqa - red.), ýran zapasyna siz «Qazatomónerkásipke» basqarýǵa senip tapsyrǵan aktıv retinde qaraımyz. Bul aktıvterdi uzaq merzimdi barlyq steıkholderlerdiń tabysyn arttyrý maqsatynda basqaratyn bolamyz», - dedi Ǵ. Pirmatov Elbasy tóraǵalyǵymen ótken «Samuryq-Qazyna» ulttyq ál-aýqat qoryn basqarý jónindegi keńes otyrysynda.

Spıkerdiń aıtýynsha, Qazaqstan - álemdegi eń iri ýran óndirýshi el jáne ýran baǵasy da aıtarlyqtaı ósken.

«Bıyl ýran baǵasy 40 paıyzǵa qymbattap, kompanııamyzdyń naryqtaǵy jaǵdaıyn jaqsartýǵa jáne qarjylyq múmkindikterin nyǵaıtýǵa múmkindik berdi. Qazir shtattyq rejımde jumys istep jatyrmyz, esh qysqartý men jumystan shyǵarýǵa jol berilmedi», - dedi Ǵ. Pirmatov.