Ýrannyń álemdik qorynyń -18, hromnyń -10, qorǵasynyń 9 paıyzy qazaq jerinde

Bul týraly búgin Úkimet otyrysynda «2030 jylǵa deıin geologııalyq salany damytý tujyrymdamasy týraly» Úkimet qaýlysynyń jobasy boıynsha baıandama jasaǵan QR Indýstrııa jáne jańa tehnologııalar mınıstri Áset Isekeshev málim etti.

«Qazaqstannyń mıneraldy-shıkizattyń bazasyn qalyptastyratyn paıdaly qazbalardyń kóptegen túrleriniń barlanǵan qory álemdik aýqymda aıtarlyqtaı kólemge ıe. Álemdik ýran qoryndaǵy Qazaqstannyń úlesi - 18, hromda -10, qorǵasynda - 9, myryshta - 8, kúmiste - 5, marganetste - 5, mysta 5 paıyzdy quraıdy», - dedi ol.

Mınıstrdiń pikirinshe, respýblıkada óndiriletin kenniń sapasy álemdik negizgi óndirýshilerdiń ónimderine qaraǵanda kemshin túsedi. Qorymyzdyń basym bóligi sapasy tómen retinde sıpattalady.

«Búginde ortasha alǵanda barlanǵan qorlardyń 80 paıyzdan astamy, al kómirsýtek, altyn, mys, polımetall, hrom, marganets, nıkel syndy paıdaly qazbalardyń 80-98 paıyz qory jer qoınaýyn paıdalanýshylarǵa berilgendigin atap ótken oryndy», - dedi Á.Isekeshev.