Ýran ónerkásibinde «Baıken-U» kásipornynyń úles salmaǵy artyp keledi
QYZYLORDA. QazAqparat - Qyzylorda oblysynda ýran ónerkásibimen aınalysatyn kásiporyndardyń biri - «Baıken-U» JShS-i. Kásiporyn Jańaqorǵan aýdanyndaǵy «Horasan-2» kenishinde jerasty qazba baılyǵyn óndirýde aıtarlyqtaı tabysqa jetip keledi. Іrgetasy 2006 jyly qalanǵan ónerkisip 2009 jyldan bere turaqty ýran óndirip keledi. Munda búginderi 497 adam jumys istese, onyń 168-i jergilikti kadr. Bul týraly QazAqparat tilshisi habarlady.
Esterińizge sala keteıik, Memleket basshysy óziniń «Ult jospary bes ınstıtýtsıonaldyq reformany júzege asyrý jónindegi 100 naqty qadam» eńbeginiń 55-qadamynda Qazaqstannyń álemdik naryqqa shyǵýy jáne eksport taýarlary úshin óńdeý ónerkásibine eń keminde 10 transulttyq kompanııany tartý máselesin kún tártibine qoıdy. Sonymen birge halyqaralyq ekonomıkalyq nysandardyń jańa múmkindikteri týraly halyqaralyq bıznesti aqparattandyrý kerektigin aıtty.
«Baıken-U» JShS-i alǵashqy jyly 350 tonna ýran óndirse, bul kórsetkish birtindep molaıyp keledi. Máselen, atamysh óndiris orny 2016 jyly jospardaǵy 1834 tonna ornyna 1838,3 tonna ónim óndirdi. Qazirgi tańda seriktestikte 7 tseh turaqty jumys istep tur.
