«Ýralskıe pelmenı» dırektory qonaqúıden óli tabyldy
ASTANA. QazAqparat - Ekaterınbýrgtik «Ýralskıe pelmenı» shyǵarmashylyq birlestiginiń dırektory Alekseı Lıýtıkov Ekaterınbýrgtegi «Angelo» qonaqúıinen óli tabyldy, dep habarlady sársenbi kúni RIA Novostı agenttigine Reseı Tergeý Komıtetiniń Sverdlov oblysy boıynsha tergeý basqarmasy.
«Deneniń qaraý barysynda tótenshe jaǵdaıdan krımınaldyq belgiler tabylǵan joq. Biraq ta ólimniń naqty sebebin sot-medıtsınalyq saraptama qoıady», - dep áńgimeledi ІІM Sverdlov oblysy boıynsha memlekettik basqarmasy baspasóz qyzmetiniń jetekshisi Valerıı Gorelyh RIA Novostı agenttigine.
Polıtsııa málimetteri boıynsha, deneni qonaqúı bólmesinen 14.10-da qyzmetshi áıel tapqan. Esikterde «Mazalamańyzdar» degen jazý ilingen. Oqıǵa ornyna RTK qyzmetkerleri men tergeý-jedel toby shyqty.
«Qylmystyq izdeý qyzmetkerleri er adam osy bólmede 2 tamyzdan beri turyp jatqanyn anyqtady. Polıtsııa qyzmetkerleri azamattyń jesirin de jedel taýyp, jaýap aldy, ol kúıeýiniń júregi aýyratynyn aıtqan. Budan basqa bólmede spırtti ishimdikter paıdalaný izderi tabyldy», - dedi agenttik suhbattasýshysy.
«Ýralskıe pelmenı» - komedııalyq janrda jumys isteıtin reseılik Ekaterınbýrgtegi shyǵarmashylyq birlestigi. 1993 jyly KTK komandasy retinde quryldy. Eń tanymal KTK komandalarynyń biri, 2000 jylǵy KTK joǵarǵy lıgasynyń chempıony. 2009 jyldan «Ýralskıe pelmenı» birlestiginiń STS telearnasynda óz ázil-ospaq shoýy, sondaı-aq basqa da jobalary bar.
