UOS: Chehııada jerlengen qazaqstandyq tutqyndar esimi belgili boldy

ASTANA. QazAqparat - Qazaqstan Elshisi Serjan Ábdikárimov Chehııadaǵy Olomoýtsk óńiriniń Iesenıtse okrýgine bardy. Jergilikti bılik, qoǵamdyq uıym ókilderimen, izdeýshi eriktilermen birlesip, ishinde qazaqstandyq sarbazdar da bar, qaza tapqan keńes tutqyndarynyń qabirine gúl shoqtaryn qoıdy. Bul týraly QR SІM baspasóz qyzmetinen habarlady.

Ekinshi dúnıejúzilik soǵys jyldary Iesenıtse okrýginde 60-qa jýyq nemis eńbek lageri ornalasty. Bul lagerlerde Keńes Odaǵynan, Ulybrıtanııadan, Frantsııa men Polshadan 6 myńǵa jýyq tutqyn sarbaz jumys istep, sol jerde qaza tapty.

Reseılik jáne chehııalyq qoǵamdyq uıymdar, izdeýshi eriktiler osy lagerlerde qaza tapqan 1300-ge jýyq tutqynnyń esimderi men ómirbaıandaryn jınaqtady. Onyń arasynda 16 qazaqstandyq sarbaz (aqparat www.obd-memorial.ru saıtyna ornalastyrylǵan) bar.

Bul suraqtar boıynsha myna baılanys derekterine habarlasýǵa bolady: Chehııadaǵy QR Elshiliginiń birinshi hatshysy Damır Ýajanov, jumys telefony: [phone], uıaly telefony: [phone], elektrondyq pochta: [e-mail].

Qazaqstan azamattaryn aqparattandyrý úshin Elshilik bizdiń otandastarymyzdyń (málimetter ishinara tolyq/naqty bolmaýy múmkin) esimin jarııalaıdy:

Jumaǵazy Altybaev, 1921 j.t., Almaty oblysynyń týmasy (aýyl «13 naýryz»);
Moldynamov, 18 jeltoqsan, 1904 j.t., Kırılovka selosynyń týmasy;
Alvıp (Albı, Álibı) Taıla, 1899 j.t., Gýrev oblysynyń týmasy (Mańǵystaý aýdany);
Smaıyl Beımınov, 1906 j.t., Aqtóbe oblysynyń týmasy (Yrǵyz selosy);
Tash (Tajı, Tas) Óteǵulov, 1900 (1903) j.t., Aqtóbe oblysynyń týmasy (Shubarqudyq selosy);
Santaı Isteleev, 1915 j.t., Qyzylorda oblysynyń týmasy (Oktıabrskoe selosy);
Baıekı (Bajeki) Kaselbaev, 1912 g.r., Qyzylorda oblysynyń týmasy (Qazaly qalasy);
Narqash Kúljumanov (Kúlshumanov), 1904 j.t., Jankeldi aýdanynyń týmasy (Berlık/Birlik selosy).
Shaıahmet (Sheıahmed) Súlemenov (Súleımenov), 1921 j.t., Shyǵys Qazaqstan oblysy, Tarbaǵataı aýdanynyń týmasy (Zaısansk/Zaısan selosy);
Belgibaı (Belgıbaı) Súleımenov, 1903 j.t., Shyǵys Qazaqstan oblysy, Zaısan aýdanynyń týmasy (Zaısan selosy);
Jumaǵul Ismýrzın, 20 shilde 1897 j.t., Qostanaı oblysy Semıozernyı aýdany (Jarqul aýyly);
Múftýálı Dosmuhambetov (Dosmýhambetov), 1891 j.t., Saratov oblysy, Banakov aýdanynyń týmasy (Natalın selosy).