UOS ardagerlerine elimizdiń úzdik klınıkalarynda em-dom qyzmetteri kórsetilmek
Atalǵan ortalyqtar kardıologııalyq, oftalmologııalyq, onkologııalyq jáne ózge de áleýmettik mańyzdy aýrýlar boıynsha joǵary mamandandyrylǵan medıtsınalyq kómek kórsetedi. Aıta ketý kerek, Uly Otan soǵysynyń ardagerleri men qatysýshylaryna medıtsınalyq kómek respýblıkalyq ta, óńirlik te deńgeıde, sondaı-aq erkin tańdaý quqyǵy boıynsha kez-kelgen medıtsınalyq uıymda tegin medıtsınalyq kómektiń kepildik berilgen kólemi aıasynda kórsetiledi. Sonymen qatar Uly Otan soǵysynyń ardagerleri men múgedekterine statsıonarlyq kómek Astana men Almaty qalalarynda ornalasqan eki arnaýly respýblıkalyq gospıtalde, sondaı-aq QR Іshki ister mınıstrliginiń Almatydaǵy «Qazaqstan» shıpajaıynda kórsetiledi, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmetinen. Atalǵan klınıkalarda emdelýge joldamalar alý úshin ardagerler tirkeý bólimi ashylyp, jeke mamandar bólingen óńirlik emhanalarǵa habarlasýlary kerek.
