UOS ardagerlerine arnalǵan klassıkalyq mýzykadan qaıyrymdylyq kontsertteri ótedi

ASTANA. 16 mamyr. QazAqparat - Jeńis merekesine oraı mamyr aıynda Qazaqstannyń birqatar qalalarynda Uly Otan soǵysynyń ardagerleri men óner súıer qaýymǵa klassıkalyq mýzykadan qaıyrymdylyq kontsertteri ótedi, dep habarlaıdy Mádenıet mınıstrliginiń baspasóz qyzmetinen.

UOS ardagerleri men jáne maıdangerleri, tyldyń eńbek ardagerleri, sonymen qatar mýzykalyq oqý oryndardyń stýdentteri Qazaqstannyń halyq ártisi Gaýhar Myrzabekova, Qazaqstannyń kameralyq orkestriniń pıanısi, Qazaqstan Respýblıkasynyń eńbek sińirgen qaıratkeri Tımýr Ormanshıev syndy Qazaqstannyń klassıka óneriniń juldyzdarynyń kontsertin tamashalaı alady. Saltanatty is-sharaǵa Astana, Almaty, Taldyqorǵan, Shymkent jáne Qaraǵandy qalalarynan 1500 soǵys ardagerine arnaıy shaqyrtý jiberildi.

Joba «Urpaqtar úndestigi» dep atalady. Joba ataýynyń ózi aıtyp turǵandaı, basty maqsat - qandy maıdannyń qıyndyqtaryn basynan keshirgen ardagerler men soǵysty el aýzynan estigen urpaqtar arasynda rýhanı baılanysty ornatý bolyp tabylady. «Urpaqtar úndestigi» - bul, Uly Otan soǵysynyń ardagerlerin Jeńis merekesimen quttyqtaýmen qatar, qart adamdarǵa áleýmettik jáne mádenı ıgi sharany neǵurlym qoljetimdi etý bolatyn. Onymen qosa atalmysh qalalardyń mýzykalyq oqý oryndarynyń stýdentterine Tımýr Ormanshıev, Gaýhar Myrzabekova syndy óner sańlaqtarymen shyǵarmashylyq kezdesýler jáne sheberlik sabaqtaryn ótkizý kózdelgen. Mýzyka óneriniń jarqyn juldyzdary ózderiniń bilimderimen jastardyń dúnıetanymyn keńeıte otyryp, shyǵarmashylyq tájirbıelerimen bólispek. Josparlanyp otyrǵan kezdesýlerge mýzyka súıer qaýym men elimizdegi mýzykalyq joǵarǵy oqý oryndarynyń stýdentteri qatysa alady.

Qaıyrymdylyq sharanyń basty maqsaty mádenı demalystan ózge, ardagerlerdi materıaldyq turǵydan qoldaý bolyp tabylady. Kontsertter ótetin árbir qalada Qalalyq ardagerler keńesi arqyly materıaldyq kómekti barlyq ardagerlerge taratý josparlanyp otyr.

Ardagerler ǵajaıyp mýzyka týyndylaryn Almatydaǵy QR-nyń Tuńǵysh Prezıdenti qorynyń kameralyq kontsert zalynan bastap elimizdiń eń keremet kontserttik sahnalarynan tamashalaı alady. Osy bir saltanatty sharanyń akýstıkasy eń jaqsy degen kontsert zaldarynda uıymdastyrylýy - Prezıdenttik qordyń qoldaýymen júzege asyrylyp otyr. Qortyndy kontsert 24 mamyrda Astanada Prezıdenttiń mádenı ortalyǵynda ótedi.

Kontsertterdiń kestesi:

06- mamyr - Taldyqorgan, І. Jansúgirov atyndaǵy mádenıet saraıy

17 -mamyr- Shymkent, Sh.Qaldaıaqov atyndaǵy fılarmonııa

21 -mamyr - Almaty, QR birinshi Prezıdentiniń qory

23 -mamyr - Qaragandy, «ShALQYMA» kontsert zaly

24- mamyr - Astana, QR Pezıdentiniń mádenı ortalyǵy