UOS ardagerleri jyl sońyna deıin poıyzdarda tegin júredi

ASTANA. 9 sáýir. QazAqparat - «Qazaqstan temir joly» UK» AQ Uly Jeńistiń 68 jyldyq mereıtoıyna oraı 2013 jyldyń 1 mamyrynan 31 jeltoqsanyna deıin Uly Otan soǵysynyń qatysýshylary men múgedekterine jolaýshylar poıyzdarynda tegin jol júrý boıynsha dástúrli aktsııany ótkizýde.

«Merekelik aktsııa aıasynda UOS ardagerleri Qazaqstan Respýblıkasy men TMD aýmaǵynda temir jol kólikterinde tegin júre alady. Ardagerler «Talgo» zaýyty shyǵarǵan vagondardan quralǵan poıyzdardan bólek, jolaýshylar poıyzdarynyń barlyq sanattary men baǵyttarynda, sonymen qatar qalaaralyq poıyzdarda kýpelik vagondarmen júrý múmkindigine ıe», - delingen «Jolaýshylar tasymaly» AQ-nyń baspasóz qyzmeti taratqan málimette.

Ardagerler tegin bıletti temir jol kassalarynan ala alady. Ózimen birge jeke kýáligi, sonymen qatar UOS qatysýshysy nemese múgedegi týraly kýáliginiń túpnusqasy men kóshirmesi bolýy qajet.

Aktsııany ótkizý týraly qajetti aqparatty «Jolaýshylar tasymaly» AQ-nyń temirjol kassalary men táýlik boıy jumys isteıtin «105» anyqtama telefonynan alýǵa bolady.