UOS ardagerine «ІІM qurmetti ardageri» ataǵy berildi

ASTANA. 8 mamyr. QazAqparat - Búgin Kóliktegi ІІD Astana stansasy Іshki ister jelilik basqarmasynyń ujymy osy salada 25 jyl boıy jumys istegen Uly Otan soǵysynyń ardageri Grıgorıı Bondarenkoǵa qurmet kórsetti.

1942 jyly áskerge shaqyrylǵan G.Bondarenko sol kezdegi Lenıngrad jáne Novgorod oblystary úshin shaıqasyp, Belarýs pen Lıtva elderin azat etken sarbazdardyń qatarynda boldy. Eki jyldan keıin sol aıaǵyna oq tıse de, Vılnıýsta qalyp, 1950 jylǵa deıin áskerı boryshyn ótep júrdi. Sol úshin Georgıı Jýkov atyndaǵy medali sııaqty ondaǵan nagradalarmen marapattaldy.

Búgin Uly Jeńistiń 67 jyldyǵy aıasynda osy nagradalarǵa taǵy bir medal qosyldy. Kóliktegi ІІD Astana stantsııasy Іshki ister jelilik basqarmasynyń bastyǵy Talǵat Ótetileýov UOS ardageri Grıgorıı Bondarenkoǵa «Іshki ister mınıstrliginiń qurmetti ardageri» medalin saltanatty túrde tabys etti. Sondaı-aq, 90 jasqa taıap qalǵan qarııaǵa 30 myń teńge kólemindegi syıaqy berildi.

«Qazirgi jasyma qaramastan, men ózimdi tyń sezinemin. Oıym ashyq, keýdem taza. Soǵys kezinde sol aıaǵyma tıgen oqtyń jarasy bolmaǵanda, men áli biraz sharýany tyndyrar edim», - deıdi G.Bondarenko.