Ýorren Baffett Berkshire Hathaway qorynyń basshylyǵyndaǵy 50 jyldyǵyn atap ótti
ASTANA. QazAqparat - Kórnekti amerıkandyq ınvestor Ýorren Baffett óziniń Berkshire Hathaway basshylyǵyndaǵy 50 jyldyǵyn ınvestorlarǵa qarajatttardy uzaqmerzimdi perspektıvaǵa salýǵa shaqyrýmen atap ótti, dep habarlady RIA Novostı.
«Men naryqtyń qozǵalýyna senimdi boljaý jasaý ádisin bilmeımin, sondyqtan da eger sizder keminde bes jyl ustap turǵylaryńyz kelse, Berkshire aktsııalaryn satyp alýǵa keńes beremin», - dep málimdedi 84 jastaǵy ınvestor. Onyń dáýletin Forbes jýrnaly 74 mıllıard dollarǵa jýyq qarjyǵa baǵalap otyr.
1965 jyly negizi qalanǵannan beri Berkshire Hathaway aktsııalary 19 dollardan 146 myń dollarǵa deıin - ortasha eseppen jylyna 20 paıyzǵa qymbattady. 2014 jyly ǵana Baffett óziniń dáýletine 18 mıllıard dollarǵa jýyq qosty.
Baffett onyń qory 2014 jyly salyqtardan rekordtyq paıda tapaqanyn atap ótti - 2013 jylǵy 1,6 mıllıard dollarmen salystyrǵanda, 12,4 mıllıard dollar.
Ol amerıkandyq ekonomıkanyń ósý perspektıvasyna senimmen qaraıdy. «Meniń ata-anam 1930 jyly olardyń uly kórip otyrǵan álem týraly armandaı almady. Saryýaıymǵa salynǵandar Amerıkanyń problemalary únemi aıtyp kele jatqanmen osy elden basqa jaqqa kóship jatqan eshkimdi kórmedim», dep atap ótti ol.
Óziniń qorynyń bolashaǵy týraly aıta otyryp, ınvestor óziniń muragerin ataǵan joq, ondaı úmitkerler bar deýmen ǵana shekteldi.
Ol ázirshe taıaý ýaqytta jumysty qoıatyny týraly eshteńe aıtqan joq.
