Ýorren Baffetpen túski as bássaýdada 2,3 mıllıon dollarǵa ótti
ASTANA. QazAqparat - Internet-bássaýdaǵa qoıylǵan amerıkalyq ınvestor- mıllıarder Ýorren Baffetpen túski as qytaılyq Dalian Zeus Entertainment kompanııasyna buıyrdy.
Associated Press habarlaǵandaı, fırma lot úshin úlken soma - 2,3 mıllıon dollar usynǵan.
«Jyl saıyn mundaı túski as men úshin qyzyqty bola túsýde. Keremet adamdarmen tanysyp, jańa dostar taptym», - dep málimdedi bıznesmen. Baffet ádette túski as úsh saǵatqa sozylyp, onyń ınvestıtsııalyq josparlarynan bólek ár taqyrypta áńgimeler qozǵalatynyn aıtty.
2014 jyly mıllıardermen túski as bássaýdada 2,17 mıllıon dollarǵa satylǵan. Ol joly jeńimpaz Sıngapýr turǵyny EMES kompanııasynan Endı Chýa (Andy Chua) atanǵan. Odan bir jyl buryn Baffetpen túski as 1,1 mıllıon dollarǵa baǵalandy. Al rekordtyq baǵa 2012 jyly 3 mıllıon 456 myń 789 dollardy quraǵan. Ol joly satyp alýshy óz esimin atamaýdy jón sanaǵan.
Baffetpen túski as quqyǵy 2000 jyldan bastap jyl saıyn satylady.
