Ýoltts Er-Rııadtaǵy Reseı-AQSh kelissózderin tarıhı dep atady

ASTANA. KAZINFORM – AQSh Ulttyq qaýipsizdik keńesshisi Saýd Arabııasyna kezdesýdi uıymdastyrǵany úshin alǵys bildirdi, dep habarlaıdy TASS.

AQSh-tyń ulttyq qaýipsizdik jónindegi keńesshisi Maık Ýolts Er-Rııadtaǵy Reseı-Amerıka kelissózderin tarıhı dep atady. Bul týraly ol Aq úıde jýrnalısterge arnalǵan brıfıngide sóılegen sózinde aıtty.

Prezıdent Donald Tramptyń qyzmetine kirisken alǵashqy aıyndaǵy jetistikteri týraly oı qozǵaı otyryp, Ýoltts AQSh kóshbasshynyń Reseı prezıdenti Vladımır Pýtınmen telefon arqyly sóıleskenin, sondaı-aq Vladımır Zelenskıımen suhbatyn tilge tıek etti. 

– Árıne, biz Saýd Arabııasyndaǵy dostarymyz ben seriktesterimizdiń kómegimen tarıhı kelissózder júrgizdik jáne bul úshin [Saýd Arabııasynyń taq murageri] hanzada Muhammed ben Salmanǵa alǵysymyz sheksiz. Biz reseıliktermen uzaq jyldar boıy alǵash ret kezdesip, beıbitshilikke aparar jol týraly sóılestik, - dedi Ýoltts.

Aıta keteıik, Saýd Arabııasynda AQSh pen Reseı arasynda kelissózder ótti.

Tramp Pýtınmen aqpannyń sońyna deıin kezdesýi múmkin ekenin málimdedi. 

Sondaı-aq Tramp Zelenskııdi synap tastady.