Ýolt Dısneıdiń úıi saýdaǵa shyǵaryldy

Bul jóninde The Los Angeles Times gazetine silteme jasap Lenta.rý habarlaıdy.

1932 jyly turǵyzylǵan eki qabatty jer úı Los-Anjelestiń Los-Felız aýdanynda ornalasqan. Úıdiń aýmaǵy 560 sharshy metrdi quraıdy. Onyń tórt jatyn bólmesi, bes vanna bólmesi, bir bılıard bólmesi men kınozaly bar.

Sonymen qatar jer úıde tóbesi kúmbezdelip keletin bir jumyr zal, vıtrajdy terezeler men ataqty «Djýletta balkony» bar. Úıdiń irgesindegi 0,4 ga jerde dala basseıni ornalasqan.

Basylymnyń eskertýinshe, Dısneıdiń eki qyzy balalyq shaǵyn osy úıde ótkizgen. Sonymen qatar úı ıesi óziniń gollıvýdtik qonaqtaryna klassıkalyq gollıvýd fılmderin úıinde otyryp-aq kórsetken. The Daily Mail gazetiniń naqtylaýynsha, ataqty mýltıplıkator bul úıde 18 jyl turǵan.

Ýolt Dısneı 1966 jyly 65 jasynda qaterli isikten qaıtys boldy.