Ýolt Dısneı mýltfılmderi men kórkem fılmderi qalyń kórermenge qazaq tilinde jol tartady
ASTANA. 20 maýsym. QazAqparat - Aldaǵy ýaqytta Ýolt Dısneı mýltfılmderi «Qazaqstan», «Mádenıet», «Balapan» arnalarynda qazaq tilinde kórsetiletin bolady.
Osyǵan baılanysty «Qazaqstan» RTRK AQ men «The Walt Disney Company Limited» kompanııasy ózara kelisimshartqa qol qoıdy.
Kórermender klassıkaǵa aınalǵan Mıkkı Maýs týraly hıkaıalardy, sońǵy kezde shyqqan mýltıplıkatsııalyq fılmderdi, «Kólikter-2» teletoptamasyn, «Nemony izdeýshiler», «Fınes pen Ferb», sondaı-aq álemge tanymal «Korol Artýr», «Ǵajaıyp Narnııa», «Qudiretti Brıýs» sekildi eń tańdaýly fılmder men mýltfılmderdi tamashalaı alady. Aıta ketý kerek, «Qazaqstan» ulttyq telearnasy respýblıkalyq teleradıokorporatsııa tarıhynda mýltfılm jáne kıno shyǵarýda álemde jetekshi oryn alatyn kompanııamen tuńǵysh ret kelisim-shartqa otyrýǵa qol jetkizdi. Aldaǵy ýaqytta «Qazaqstan» RTRK kórermenderi «The Walt Disneydiń» eń úzdik kartınalaryn, klassıkalyq anımatsııalyq fılmderi men zamanaýı mýlt-toptamalaryn memlekettik tilde kóre alady.
