Ýoll-strıt bırjadaǵy saýdanyń aptalyq ósimi týraly habarlady

ASTANA. KAZINFORM – Ýoll-strıt bırjasynyń negizgi ındeksteri juma kúngi sessııany ósimmen aıaqtady, dep habarlaıdy Kazinform menshikti tilshisi CNBC-ke silteme jasap. 

Dow Jones ındeksi juma kúni saýdany jańa rekordpen japty — 426,16 tarmaqqa nemese 1%-ǵa jýyq kóterildi, 44 296,51-ge deıin jetip, aptany shamamen 2%-ǵa ósimmen aıaqtady. Bul tarıhtaǵy jańa eń joǵary deńgeı bolyp otyr. 

S& P500 0,4%-ǵa kóterilip, aptany 5,969,34 tarmaqta aıaqtap, jalpy 1,7% ósimdi kórsetti. 

Nasdaq Composite 0,16%-ǵa, 19 003,65-ke deıin kóterilip, aptany 1,7% ósimmen aıaqtady. 

Russell 2000 kútkennen asyp túti: jumada 1,8%-ǵa kóterilip, aptalyq ósimdi 4,5%-ǵa deıin kóbeıtti.

«Investorlar burynǵy kommýnıkatsııalyq qyzmetter men tehnologııalardan tutynýshylyq taýarlar, ónerkásip pen qarjynyń basqa tsıkldik sektorlaryna, sondaı-aq orta jáne shaǵyn kapıtaldandyrý aktsııalaryna aýysyp jatyr», — dedi CFRA Research bas ınvestıtsııalyq strategi Sem Stovall.

Eske salsaq, budan buryn álemdik bırjada munaı baǵasy arzandaǵany anyqtaldy.