UOK Denıs Tenge: Naǵyz chempıondyq rýh úshin alǵysymyz sheksiz!

ASTANA. QazAqparat - Qazaqstannyń Ulttyq olımpıadalyq komıteti XXІІІ qysqy Olımpıada oıyndaryndaǵy qysqa baǵdarlamada jaqsy óner kórsetkeni úshin Denıs Tenge alǵys aıtty, dep habarlaıdy QazAqparat.

«Denıs, saǵan alǵysymyzdy aıtamyz! Naǵyz chempıondyq rýh úshin alǵysymyz sheksiz!», - dep jazylǵan Facebook-te UOK-tiń paraqshasynda.

«Bıyl men úshin óte qıyn boldy. Osy maýsymda jaraqattan tolyq aıyǵa almadym. Dese de, ata-babam týǵan mekende Olımpıada oıyndarynda óner kórsetkenime qýanyshtymyn. Maqtan tutamyn! Qandaı qatelikterge boı aldyrǵanymdy jaqsy sezinip turmyn. Kúnde turǵanda aıaǵymnyń jaraqaty bar ekenin sezip oıanamyn. Sondyqtan «jaraqatpen jarysqa shyǵamyn» degen oı kókeıimde turady. Men úshin psıhologııalyq turǵydan bul aýyr tıedi», - dedi Denıs Ten jarystan keıin tilshilerge bergen suhbatynda.
 

Eske sala ketsek, búgin Denıs Ten jeke óner kórsetetin qysqa baǵdarlamadan 70,12 (30,77 +39,35) upaı jınady.

Ol 30 mánerlep syrǵanaýshynyń ishinen tórtinshi bolyp muz aıdynǵa shyqty. Endi, ol erteń erkin baǵdarlamada jarysty ary qaraı jalǵastyrý úshin osy 30 sportshynyń ishinen úzdik 24 orynǵa kirýi qajet.
 

Foto: Iztýrgana Aldaýeva