UOK bas hatshysy ıÝlııa Galyshevanyń nelikten jarysqa shyqpaǵanyn túsindirdi
QR Ulttyq olımpıada komıteti resmı habarlaǵandaı, ıÝlııa Galysheva Olımpııa oıyndarynyń irikteý kezeńin ekinshi aınalymnan bastaıdy.
Bul sheshimdi bapkerler keńesi qabyldaǵan.
«Іrikteýdiń birinshi kezeńine qatyspaı, birden ekinshi aınalymnan bastaý týraly sheshimdi bapkerler qabyldady. Bul sheshim halyqaralyq federatsııa reglamentine saı keledi ári uıymdastyrý komıtetimen kelisildi. ıÝlııa búgingi básekege qatysýǵa daıyn edi, alaıda, PTR testtiń teris shyqqany týraly aqpar jarys bastalǵannan keıin belgili boldy. Bul ádettegideı jaǵdaı emes. Búkil Beıjiń Olımpıadasynyń uıymdastyrylýy da erekshe ekeni aıtylyp jatyr. Barlyq qatysýshylar kún saıyn tapsyratyn PTR teste qarama-qaıshylyq kóp jáne bul máselemen tutas delegatsııa da betpe-bet kelip otyr. Eń bastysy – ıÝlııa ózin jaqsy sezinýde jáne 6 aqpan kúngi básekege daıyn», - dedi UOK bas hatshysy Andreı Krıýkov.
Frıstaıl-mogýldan komanda bas bapkeri Elena Krýglyhına jankúıerlerge qoldaý kórsetkeni úshin alǵys aıtty.
«Bul Olımpıada ne bolatynyn boljaý óte qıyn. Mine, bastalǵany búgin ǵana, al osyǵan deıin qanshama jaıttar bastan ótýde. Biz úshin alań bolmańyzdar, sportshylarda bári jaqsy. ıÝlııa ózin jaqsy sezinýde, jumysty odan ári jalǵastyramyz. Barshańyzdan qoldaý kútemiz, bizge jankúıer bolyńyzdar», - dedi bas bapker.
Eske sala keteıik, áıelder arasyndaǵy ekinshi irikteý kezeń 6 aqpanda, erler arasyndaǵy doda 5 aqpanda ótedi. Fınaldyq kezeńder de osy ýaqytqa josparlanǵan.
Esterińizge sala keteıik, osyǵan deıin frıstaıl-mogýldan áıelder arasyndaǵy alǵashqy irikteý jarysynda otandastarymyz úzdik ondyqqa kirmeı qalsa, erler arasynda baq synaǵan Dmıtrıı Reıherd pen Pavel Kolmakov ta úzdikter qatarynan tys qalǵanyn jazǵan bolatynbyz.
