Ýnıversıtettik aýrýhanalar qaı qalalarda salynady

NUR-SULTAN. QazAqparat –QR Densaýlyq saqtaý vıtse-mınıstri Jandos Búrkitbaev ýnıversıtettik aýrýhanalar elimizdiń qaı qalalarynda salynatyndyǵyn aıtty, dep habarlaıdy QazAqparat tilshisi.

«Qasym-Jomart Kemeluly Toqaev densaýlyq saqtaý júıesiniń resýrstaryn, atap aıtqanda, 20 aýrýhananyń qunyn memlekettik-jekeshelik áriptestik arqyly qaıta qaraý kerektigin erekshe atap ótti. Densaýlyq saqtaý mınıstrligi Almaty, Shymkent, Qaraǵandy, Aqtóbe, Nur-Sultan qalalarynda 5 ýnıversıtettik arýhana salýdy josparlap otyr. Sonymen qatar Túrkistan, Petropavl jáne Kókshetaý qalalarynda úsh kópbeıindi aýrýhana salynady. «Deni saý ult» ulttyq saý jobasyn júzege asyrýdyń birinshi kezeńinde qurylys jumystaryn 2025 jylǵa deıin aıaqtaý josparlaǵan», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, bul nysandar memlekettik-jekeshelik seriktestik respýblıkalyq jobalarynyń tizbesin ońtaılandyrý úshin salynady.

«Bul rette qalǵan 12 joba kezeń-kezeńmen 2026 jyldan bastap paıdalanýǵa beriledi», - dedi Jandos Búrkitbaev.