Ýnıversıtetterde jemqorlyq faktileri túlekterdiń oqýǵa túser aldynda jıi kezdesedi - S. Ómirbaev
ASTANA. QazAqparat - Ýnıversıtetterde jemqorlyq faktileri túlekterdiń oqýǵa túser aldynda jıi kezdesedi.
Bul týraly QR Bilim jáne ǵylym mınıstrligi JOO jáne JOO-dan keıingi bilim berý departamenti dırektorynyń mindetin atqarýshy Serik Ómirbaev málimdedi.
«Qazaqstandyq joǵary oqý oryndarynda jemqorlyq faktileri oryn alatynyn azamattardyń shaǵymynan baıqaýǵa bolady. 2015 jylǵy alǵashqy 10 aıdyń zertteýleri boıynsha, jemqorlyq faktileriniń oryn alýy negizinen ýnıversıtetterge túser kezde bolady. Bizge túsken 494 shaǵymnyń 75-inde nemese 15 paıyzynda JOO-larda jemqorlyqtyń baryn aıtqan», - deıdi S.Ómirbaev.
Onyń atap kórsetkenindeı, 2015-2016 oqý jylynyń basynda JOO-lar jemqorlyqqa qarsy kúres boıynsha josparly jumystaryn jalǵastyrýy tıis bolǵan. Degenmen ol josparly jumystardyń nátıjeleri týraly tek 20 JOO ǵana usynyp otyr.
