Ýnıversıtetter jataqhana oryndaryn taratý týraly aqparatty jarııalamaı otyr - jemqorlyqqa qarsy tekseris
ASTANA. QazAqparat - Qazaqstannyń jemqorlyqqa qarsy strategııasy aıasynda bilim jáne ǵylym mınıstrligine tıesili mindetterdiń biri - stýdentterdiń sabaq úlgerimi men jataqhana oryndaryn taratý týraly aqparatty joǵary oqý oryndarynyń arnaıy portaldarynda jarııalaý.
Alaıda atalǵan mindet áli kúnge deıin atqarylǵan joq, dep habarlaıdy QazAqparat tilshisi.
«Baqylaý toby joǵary oqý oryndarynyń onlaın portaldaryn qurý boıynsha atqarylyp jatqan jumysty zerdelep shyqty. Oǵan bilim jáne ǵylym mınıstrligi jaýapty. Atalǵan portaldarda stýdentterdiń sabaq úlgerimi men jataqhana oryndaryn taratý týraly aqparat jarııalanýy tıis. Osy ýaqytqa deıin osy saladaǵy jumys baıaý júrgizilip keledi.113 joǵary oqý ornynyń ishinde bar bolǵany 9-aq ýnıversıtet ondaı portaldardy iske qosty. Bilýimshe, bilim jáne ǵylym mınıstrligi osy jumysty jalǵastyryp keledi. Ony aǵymdaǵy jylda da jalǵastyryp, tezdetip aıaqtaý qajet. Ázirshe, memlekettik ýnıversıtetterdiń bárinde ondaı portaldardy qosyp alsaq, sabaq úlgerimi men jataqhana oryndaryn taratý jumysynyń ashyqtyǵyn qamtamasyz etetin edik», - deıdi baqylaý tobynyń múshesi Vıktor Býss.
Aıta keteıik, 2015-2025 jyldarǵa arnalǵan Qazaqstannyń jemqorlyqqa qarsy strategııasy qabyldanǵanda memlekettik organdar úshin arnaıy is-sharalar josparyn qurý mindeti qoıyldy. Negizgi maqsat - sybaılas jemqorlyqty azaıtý. Osylaısha, úsh jyldyq jospar bektildi. Onda barlyǵy 64 shara qarastyrylǵan. Ótken jyldyń josparynda 41 shara boldy. Búgin osy máselege baılanysty arnaıyjumys toby alǵash ret jańartylǵan quramda bas qosty. Oǵan depýtattar, qoǵam belsendileri, jýrnalıster men blogerler endi. Otyrystyń basynda saıasattanýshy Nurlan Erimbetov pen bloger Ǵalym Baıtuq sózge kelip qaldy .
