Ýnıversıtetter men mektepter dinnen beıtarap keńistik bolý kerek – ǵalym
ASTANA. KAZINFORM – E. Bóketov atyndaǵy Qaraǵandy ýnıversıtetiniń rektory, zań ǵylymdarynyń doktory Nurlan Dýlatbekov Konstıtýtsııalyq komıssııanyń segizinshi otyrysynda Ata zańnyń jańa jobasynda bilim oryndaryn dinı ıdeologııadan ajyratý ne úshin kerek bolǵanyn aıtty.
- 33-baptaǵy rýhanı bilim ordalarynan basqa oqý oryndarynda bilim berýdi uıymdastyrýdyń zaıyrly sıpaty týraly 5-tarmaǵynyń jańa nusqasy erekshe nazar aýdarýǵa turarlyq. Bul mátindik tujyrym dinniń memleketten bólektigi qaǵıdasyna tolyqtaı sáıkes keledi, - dedi ol.
Ǵalym bilim berý júıesi úshin munyń irgeli máni bar ekenin aıtady.
- Ýnıversıtetter men mektepter ǵylymnyń, bilimniń jáne árıne, akademııalyq erkindiktiń keńistigi bolyp qalý kerek. Mundaı tásil stýdentterdi qorǵaıdy, beıtarap bilim ortasyna saqtaıdy jáne ıdeologııalyq qysymnyń qaterin tómendetedi, - degen ǵalym Konstıtýtsııanyń bul normalary búkil ǵylymı qaýymdastyqtardy, óńirlerdegi ǵylym men bilim salasynyń ókilderiniń talqysy arqyly ábden pisip-jetilgenin atap ótti.
Aıta keteıik, jańa Konstıtýtsııanyń jobasyn túrli mekemeler, ujymdar talqylap jatyr.