Ýnıversıtetter arasynda qyzdardyń úzdik voleıbol komandasy anyqtalyp jatyr
ALMATY. QazAqparat - Almatyda qyzdar arasyndaǵy voleıboldan IX jazǵy Ýnıversıada oıyndary bastaldy, dep habarlaıdy QazAqparat tilshisi.
Sporttyq shara Qazaq memlekettik qyzdar pedagogıkalyq ýnıversıtetinde ótip jatyr.
Saıysta 16 voleıbol komandasy baǵyn synap jatyr.
13 komanda Almatydaǵy JOO stýdentterinen quralǵan. Soltústik Qazaqstan oblysynan - 1, Shyǵys Qazaqstan oblysynan - 1, Qaraǵandy ýnıversıteti 1 komandadan ákeldi.
Birinshi kýrs stýdenti Ásel Ádilbek Qazaq Ulttyq pedagogıkalyq ýnıversıtetine túsken jyly-aq Ýnıversıtet komandasyna kirgen.
«Men Ońtústik Qazaqstan oblysynyń Túlkibas aýylynanmyn. Voleıbolmen 9-synyptan bastap aınalysamyn. Bizdiń mektep komandalary aýdandyq spartakıadalarda 3-4-oryndar alǵan. Oqý ornyna túsken soń birden meni voleıbol komandasyna shaqyrdy. Bul komandaǵa tez úırenip kettim», - dedi Ásel.
QazUPÝ komandasynyń qarsylastary da osal emes.
Olar kelesi kezeńge shyǵý úshin Ásel men onyń qurbylary Qazaq Memlekettik sport jáne týrızm akademııasynyń, ál-Farabı atyndaǵy QazUÝ-dyń, Almaty tehnologııalyq ýnıversıtetiniń komandalarymen tartysatyn bolady.
Týrnırdiń alǵashqy oıynynda Soltústik Qazaqstan memlekettik ýnıversıtetiniń qyzdary Qazaq kólik jáne baılanys akademııasynyń qyzdarymen kezdesti.
Soltústik Qazaqstannan kelgen qyzdar eki partııada da basymdyq kórsetip, 1-topta kósh bastady.
Sodan keıin Qazaq shet tilderi men álem qatynastary ýnıversıtetiniń boıjetkenderi men Shyǵys Qazaqstan memlekettik ýnıversıtetiniń qyzdary baq synasty.
Aldyn ala raýnd oıyndary 17 qazanǵa deıin jalǵaspaq. Odan keıin stýdentter pleı-off, jartylaı fınal, fınaldyq oıyndarǵa shyǵady.
